ظلم سے کوئی حکومت نہیں چلتی – مولانا سید نوراللہ عابدی

ضرورت، مشروعیت و مقبولیت قدرت و حکومت (اجمالی نظر)

ضرورت حکومت: چونکہ انسان سماجی زندگی بسر کرتا ہے اور مختار ہونے سبب سماج کو درہم و برہم کرنے والا عنصر قرار پا سکتا ہے لہذا انسانی سماج کو محفوظ رکھنے کیلئے حکومت کا ہونا ضرور ی ہے چنانچہ امیر امومنین ع فرماتے ہیں (لابد من حکومه بره او فاجره) اگر چہ ظالم حکومتوں کے زوال کی بھی بشارت دی گئی ہے اور یہ سنت الہی ہے کہ قدرت عارضی چیز و بدلتی رہتی ہے چونکہ قدرت مطلق فقط اس کی ذات سے مخصوص ہے، مومنین کو صبر اور ساتھ ہی استقامت کی ضرورت ہوتی ہے۔

✳حکومت فقط خدا کا حق ہے کسی کو کسی پر حکومت کا حق نہیں چونکہ سب انسان ایک ہی جنس سے تعلق رکھتے ہیں لہذا کسی کو کسی پر فوقیت نہیں و لا حکم الا لله، پس یا خدا خود حکومت کرے یا اسکی طرف سے نمایندہ ہو یا نمایندہ نے کسی کی معرفی کی ہو کہ یہ منصب بھی خدا کی ہی طرف سے ہے، (اور ولایت فقیہ کا مسئلہ بھی یہیں سے حل ہوتا ہے) یونان قدیم اور عقلائے عالم کے نزدیک صالحان کا حق ہے یعنی جو انسانوں میں سب سے اعلی، اشرف و صاحب فضیلت ہو، ایسی حکومت کو عدم مقبولیت کی صورت میں بھی خدا کی طرف سے مشروعیت حاصل ہوتی ہے جو کبھی ختم نہیں ہوتی ہے اس کے علاوہ جو بھی ہو وہ غصبی حکومت ہوتی ہے، چونکہ حکومت خدا کے مقابلے پر ہے۔

امیر المومنین ع 25 سال عدم مقبولیت کی وجہ سے خانہ نشین رہے لیکن مشرaوعیت  باقی ہے چونکہ حق آپکا ہے جو غصب ہو گیا (فی العین قذی و فی الحلق شجا) لعنه الله علی الغاصبین۔

خوب یہ مقبولیت کیا ہے؟

یہ قوت مجریہ کی احکام حکومتی کے اجرا میں مدد کرتی ہے وہ خواہ غاصب ہو یا حقدار جیسا کہ اوپر ذکر ہو چکا اگر غاصب ہے تو اجرای ظلم غالب ہوتا ہے اور حقدار ہو تو عدالت کا اجرا ہوتا ہے جیسا کہ امیر المومنین ع کا اجرائی دور آنے پر ہوا، لیکن مقبولیت اتنی خطرناک چیز ہے و لو دھوکے کے ہی ذریعہ ہو کہ کسی کو بھی قدرت بخش دیتی ہے اور نتیجتا ساتھ ہی قانونی و دنیاوی مشروعیت بھی۔

سوال: یہ آتی کہاں سے ہے؟

مقبولیت انتخابات یا کسی بھی قدرتی گھڑ دوڑ میں لوگوں کی رای یعنی ووٹ یا کسی بھی قدرت کے حق میں سماج کے سکوت کے ذریعہ جس سے کسی بھی انسان کو قدرت حاصل ہو جاتی ہے، اور یہ کسی بھی انسان کے ساتھ متولد نہیں ہوتی۔

دوسرے لفظوں میں یوں کہوں: یعنی یہ رائے اور سکوت فرعون کو فرعون، شداد کو شداد، معاویہ و یزید کو معاویہ و یزید بنا دیتی ہے وگر نہ بچے دینے والی کتیا کی کیا مجال مسلمانوں کی حاکم بن جائے، یہی حال تمام حکام دنیا کا ہے کہ پبلک کی رای اور سکوت انکو بادشاہ، وزیر یا کسی بھی طرح کی قدرت کا منصبدار بنا دیتا ہے، و الا حق قدرت و حاکمیت، خدا اور نمایندگان خدا یا ان کے جانشینان بر حق سے مختص ہے

نکتے کی بات: زیارت وارثہ میں شوم ثلاثہ پر (جس نے قتل کیا، جس نے ظلم کیا اور جو ساکت رہے) لعنت ہے، دو پہلے گروہ تو مانا سہی ہے کہ جن کی تعداد انگشت شمار سے  بھی کم ہوتی ہے لیکن تیسرا گروہ کیوں؟

ہاں! چونکہ یہ تیسرا ہی گروہ ہے جس سے پورا سماج تشکیل پاتا ہے اور اس کا سکوت و رائے زمانے کے حاکم یا ظالم کو اتنا جری بنا دیتا ہے کہ وہ چاہے جیسے ظلم ڈھائے، اور اپنے ہی جیسے انسان کو، انا ربکم الاعلی کہنے پر آمادہ کر دیتا ہے، پس اگر سماج کا یہ تیسرا طبقہ اپنے اندر فقط تھوڑی سی حیات کا اظہار کر دے تو ظالم کی جرئت نہیں کہ سماج کی کسی فرد پر ظلم کرے (حتی جنگل کا شیر حاکمیت حاصل ہونے کے با وجود بھینسوں کے اتحاد پر اپنی جان بچاتا نظر آتا ہے) پس زیارت کے اعتبار سے سماج کا یہ تیسرا گروہ سکوت اور رائے کی صورت میں بد ترین و ملعون ترین گروہ ہے جو کسی کو بھی قدرت بخش دیتا ہے، چونکہ سماج کا سب سے بڑا جزء یہی ہے کہ اس کے بغیر، سماج تشکیل ہی نہیں پا سکتا 

樂لھذا اب یہ ہر سماج کا اور ہر زمانے میں اپنا اپنا اختیار ہے کہ کس کے ہاتھ میں اپنی زمام سونپے شریف کے یا رذیل کے اور پھر اسکا ویسا ہی پھل پائے     توجہ: قدرت بخشنا اور سلب کرنا دونوں ہی کسی بھی سماج کے افراد کے ہاتھوں میں ہوتا ہے لیکن اسی شرط کے ساتھ کہ تیسرا گروہ تھوڑا سا اظھار حیات تو کرے، و الامر یرجع الی المبتلیین بہ، و السلام علیکم، التماس دعاء

سید نوراللہ عابدی 

(الهی و ربی من لی غیرک اسئله کشف ضری)